50 minə yaxın sakinə xəbərdarlıq edildi | ABŞ-nin bu şəhərində dəhşətli yanğın

ABŞ-nin Los-Anceles bölgəsində baş verən yanğınlar səbəbindən getdikcə daha çox insan evlərini tərk etmək məcburiyyətində qalır.

Artıq 52 mindən çox sakinin təxliyəsi, 46 mindən çoxunun isə buna hazırlaşması barədə xəbərdarlıq edilib. Həmçinin 30 mindən çox sakin Los-Ancelesin şimal-qərbindəki təpələrdə yerləşən evlərini tərk etməyə məcbur qalıblar.

Ümumilikdə təxliyə 100 mindən çox insanı əhatə edir. Artıq yanğınlar nəticəsində 2 nəfərin öldüyü təsdiqlənib.

Milli Meteoroloji Xidmət xəbərdarlıqlara və təlimatlara ciddi yanaşmağa çağırır. Çox sayda amerikalı məşhurun yaşadığı şəhərin prestijli hissəsində məcburi təxliyə tətbiq edilib.

Güclü külək səbəbindən alov aktiv şəkildə yayılır. Yanğın artıq 311 hektardan çox ərazini bürüyüb. Yaşayış binaları və infrastruktur obyektləri yanır. Bu ərazidə bır sıra şou-biznes ulduzları yaşayırlar. Artıq yerli kinostudiyalar bir sıra premyeraların ləğv edildiyini bəyan ediblər.

Həmçinin məlumata görə, ABŞ-nin vitse-prezidenti Kamala Harrisin Los-Ancelesdəki iqamətgahı da hazırda yanğınla bağlı təxliyə zonasına düşüb. K.Harrisin özü isə hazırda Vaşinqtondadır.