ABŞ-də Maska qarşı ədalətsizlik oldu? | Trampdan mühüm açıqlama

ABŞ-nin Dövlət İdarəetməsinin Səmərəliliyi Departamentinin (DOGE) rəhbəri İlon Mask tutduğu vəzifəsindən istefa verdiyini bəyan edib.

Bu barədə CNN telekanalı məlumat yayıb.

Amerikalı iş adamı Ağ Evdə keçirilən iclasda D.Trampın kabinetində işləməyin şərəf olduğunu desə də, Administrasiyanı tərk etdiyinə işarə edib. Onun çıxışı salonda alqışlarla qarşılanıb.

ABŞ Prezidenti Donald Tramp da çıxış edərək İ.Maska təşəkkür edib:

“Sizə ədalətsiz münasibət göstərildi. Lakin bu ölkədə insanların böyük əksəriyyəti sizə həqiqətən hörmət edir və qiymətləndirir. Bütün otaq bunu çox qəti şəkildə təsdiq edə bilər. Siz, həqiqətən, bizə böyük kömək etdiniz. Sizə təşəkkür etmək düşür”.

İclasda daha bir diqqətçəkən məqam İ.Maskın başına üst-üstə iki papaq taxması olub. Birinin üstündə “Amerika körfəzi”, ikincisində isə “DOGE” yazısı olub.