ABŞ-dən rəsmi məlumat: Bayden İsrailə yardım etməyəcək

“Əgər Amerika Birləşmiş Ştatlarının Nümayəndələr Palatası İsrailə yardımın ayrılması ilə bağlı qanun layihəsini qəbul etsə, o zaman ölkə Prezidenti Cozef Bayden belə bir qərara veto qoyacaq”.

Bu barədə Ağ Evin Büdcə İdarəsi məlumat yayıb.

"Bu qanun layihəsi İsrail, Yaxın Şərq və öz milli təhlükəsizliyimiz üçün təhlükəlidir", – deyə məlumatda qeyd olunub.

Bildirilib ki, respublikaçı konqresmenlərin İsrail və Ukraynaya ayrılan 105 milyard dollar dəyərindəki yardımın bölüşdürülməsi təklifi senatorlarla da razılaşdırılmalıdır.

Ağ Ev vurğulayıb ki, İsrailə yardım təklifinin digər təhlükəsizlik məsələlərindən ayrılması ciddi qlobal problemlərlə nəticələnə bilər. Buna görə də belə bir layihə təqdim olunarsa, ABŞ lideri onu qətiyyətlə rədd edəcək.

Qeyd edək ki, yardım təklifinin qəbul edilməsi üçün nəzərdə tutulan qanun layihəsi həm Nümayəndələr Palatası, həm də Senatdan keçməli və son olaraq Prezident tərəfindən imzalanmalıdır. Qanun layihəsinin bu həftə ərzində Nümayəndələr Palatasında qəbul ediləcəyi gözlənilir.