Pleyeri seçin:
ABŞ dənizdə əməliyyat keçirdi | Narkotik dolu sualtı qayıq məhv edildi
Prezident Donald Tramp ABŞ-yə gələn narkotik daşıyan sualtı qayığın məhv edildiyini açıqlayıb.
Bu barədə o, “Truth Social”da paylaşım edib.
ABŞ lideri sualtı qayıqda dörd nəfərin olduğunu, onlardan ikisinin sağ qaldığını bildirib. Sağ qalanlar Ekvador və Kolumbiyada məhkəmə qarşısına çıxarılacaqlar.
“ABŞ-yə gələn çox böyük sayda narkotik vasitə daşıyan sualtı qayığı məhv etmək böyük şərəf idi. Amerika kəşfiyyatı bu gəminin ilk növbədə fentanil və digər qadağan olunmuş narkotiklərlə yükləndiyini təsdiqləyib. Əgər mən bu sualtı qayığın sahilə yan almasına icazə versəydim, azı 25 min amerikalı həlak olardı”, – deyə Prezident yazıb.
Bundan əvvəl Tramp Ağ Evdə ukraynalı həmkarı Volodimir Zelenski ilə görüşündə ABŞ-nin Karib dənizində narkotik daşıyan sualtı qayığa hücum etdiyini bildirmişdi.
Kopyalandı
#Donald Tramp teqi istifadə olunub
Seçilmişlər
