Pleyeri seçin:
ABŞ NATO çərçivəsində kursunu ciddi şəkildə yenidən nəzərdən keçirəcək
ABŞ Prezidenti Donald Tramp ölkəsinin NATO çərçivəsində siyasətini “çox ciddi” şəkildə yenidən nəzərdən keçirəcəyini açıqlayıb.
Tramp jurnalistlərə açıqlamasında ABŞ-nin alyans üçün trilyonlarla dollar xərclədiyini vurğulayıb və bu vəziyyətin artıq suallar doğurduğunu bildirib.
O qeyd edib ki, NATO-nun əsas məqsədlərindən biri Rusiyaya qarşı təhlükəsizliyin təmin olunmasıdır, lakin ABŞ-nin bu yükü daşımasının ədalətli olub-olmadığını düşünmək lazımdır.
ABŞ Prezidenti həmçinin alyans üzvlərinin İranla bağlı məsələdə Vaşinqtonu dəstəkləmədiyini deyərək narazılığını ifadə edib.
“Biz NATO üçün trilyonlarla dollar ödəyirik, amma onlar bizi dəstəkləmədilər”, – deyə o bildirib.
Tramp bəzi müttəfiqlərə qarşı tədbirlərin görülüb-görülməyəcəyi ilə bağlı suala isə konkret cavab verməyərək “baxarıq, necə olacaq” sözləri ilə kifayətlənib.
Kopyalandı
Seçilmişlər
