ABŞ Prezidenti etdiyi səhvlə yenidən tənqidə tuş gəlib
NATO sammitində ABŞ lideri Co Bayden Volodimir Zelenskini Ukrayna Prezidenti Vladimir Putin adlandırdıqdan sonra Avropa liderləri “dəhşətdən donub qalıblar”. Bu barədə “Politico” nəşri məlumat yayıb.
Qeyd olunub ki, hadisədən sonra bir çox Avropa İttifaqı ölkələri Ağ Evin keçmiş sahibi Donald Trampın ABŞ-də keçiriləcək seçkilərdə qələbəsinin getdikcə daha çox ehtimal olunduğunu nəzərə alaraq onun komandası ilə təmaslar axtarmağa başlayıblar.
“Avropa liderləri gülümsəməyə və əl çalmağa davam etməyə çalışsalar da, səhnədə dəhşət içində donub qalıblar. Onların heç biri sonradan Baydenin komandasına hadisəni danışmağa cəsarət etməyib”, – deyə ABŞ-dəki diplomatik mənbə nəşrə qeyd edib.
Vaşinqtondakı digər yüksək səviyyəli avropalı diplomat bildirib ki, onun bir çox həmkarı hazırda Trampın komandasının üzvləri ilə əlaqə axtarır.
Nəşr qeyd edib ki, diplomatlar daha əvvəl Trampın komandası ilə ünsiyyət qurmağı tövsiyə etməyən Avropadakı rəhbərliyinin təzyiqi ilə üzləşmirlər.
“Politico” vurğulayıb ki, bu mövqe təkcə Aİ ölkələri tərəfindən deyil, həm də Baydenin getdikcə tez-tez ictimai uğursuzluqlarının onun prezidentlik kampaniyasını puça çıxardığına inanan Böyük Britaniya tərəfindən dəstəklənir.
![icon](/images/loading.png)