ABŞ Rusiya ilə müharibəni uduzub, yoxsa...? | Karlsondan qalmaqallı açıqlama
Amerikalı jurnalist Taker Karlson ABŞ-nin Rusiya ilə müharibədə uduzduğunu və Ukraynanın Vaşinqtonu heç vaxt maraqlandırmadığını iddia edir.
O, baş verənlərin Ukrayna ilə bağlı olmadığını deyib.
“Zənnimcə, Vaşinqtondakı siyasətçilər hələ də anlamırlar ki, Rusiya ilə müharibədə uduzmuşuq. Bu müharibəni ABŞ – Pentaqon, Dövlət Departamenti, Mərkəzi Kəşfiyyat İdarəsi aparırdı. Bu, heç vaxt Ukrayna ilə bağlı olmayıb”, – jurnalist qeyd edib.
T.Karlson iddia edir ki, ABŞ heç vaxt Ukrayna və müharibədə həlak olan yüz minlərlə ukraynalı ilə maraqlanmayıb. Üstəlik, onun fikrincə, bu, Vaşinqtonun uduzduğu Rusiya ilə ABŞ arasında gedən müharibədir.
“Ukraynanı məhv etdik. Heç kimin vecinə deyil. Bu, Rusiyaya qarşı müharibə idi, amma uduzan biz olduq. Mən narahatam, çünki heç kim bunu yüksək səslə deməyəcək ki, biz öz gücümüzü həddən artıq qiymətləndiririk”, – T.Karlson vurğulayıb.
Jurnalist ABŞ-nin Rusiyaya qarşı məğlubiyyətini etiraf edə bilməyəcəyini söyləyib.
#ABŞ teqi istifadə olunub
- ABŞ və İran arasında danışıqların ikinci raunduna start verilir - Baku TV
- Kuba-ABŞ münasibətində yenilik | Trampın Kuba ilə bağlı planları nələrdir? - Baku TV
- Ağ Ev rəhbəri müharibədə ABŞ-yə dəstək verməyən ölkələri təhdid etdi
- ABŞ Hörmüz blokadasını qura bilmədi: İran gəmiləri sərbəst hərəkət edir? - AKTUAL GÜNDƏM
- Tramp Orbanın məğlub olmasına necə münasibət bildirdi?
