ABŞ səfiri təcili Rusiya XİN-ə çağırıldı | Xəbərdarlıq edildi

Amerika Birləşmiş Ştatlarının Rusiyadakı səfiri Lin Treysi Xarici İşlər Nazirliyinə çağırılıb və ona etiraz notası təqdim edilib.

Rusiya Xarici İşlər Nazirliyinin məlumatına görə, bu, ABŞ-nin bir sıra QHT-lərinin anti-Rusiya addımları ilə bağlı olub.

Bundan başqa, rəsmi Moskva 3 QHT-ni “arzuolunmaz qurum” elan edib və bu cür addımların iki ölkə arasındakı əlaqələri daha da gərginləşdirdiyi səfirin diqqətinə çatdırılıb. Bildirilib ki, səfirliyin dəstəyi ilə Rusiyada təhsil və mədəniyyət mübadiləsi adı altında agentlərin cəlb edilməsinə yönəlmiş proqramlar və layihələr arzuolunmazdır.

Bundan əlavə, xüsusi vurğulanıb ki, Rusiya Federasiyasının daxili işlərinə qarışmağa, o cümlədən seçkilər və hərbi əməliyyatlar kontekstində təxribat xarakterli hərəkətlər və dezinformasiyaların yayılmasına töhfə verməyə cəhd edənlər ölkədən qovulacaqlar.