Pleyeri seçin:
ABŞ və Çin münasibətlərində uçurum | Pekin hərəkətə keçdi
ABŞ-də Çindən olan tələbələr üçün vizaların ləğv edilməsinə başlanılacaq.
Bu barədə Dövlət katibi Marko Rubio məlumat verib.
"ABŞ çinli tələbələr, o cümlədən Çin Kommunist Partiyası ilə əlaqəli olanlar və ya əsas ixtisaslar üzrə təhsil alanlar üçün vizaları ləğv etməyə başlayacaq", – deyə o bildirib.
Çin bu addıma qəti şəkildə qarşı olduğunu deyərək ABŞ-ni daha konstruktiv münasibətlər qurmağa çağırıb.
Bildirək ki, Amerika universitetlərində oxuyan xarici tələbələrin əksəriyyətini Çin vətəndaşları təşkil edir. 2024-cü il ABŞ-də təxminən 280 000 çinli tələbə təhsil alıb.
Belə qərarın nə qədər tələbəyə təsir edəcəyi bəlli deyil. Bu addımın həmçinin Amerika məktəbləri üçün əsas gəlir mənbəyi və ABŞ texnologiya şirkətləri üçün mühüm istedad potensialına da zərbə vura biləcəyi istisna olunmur.
Qeyd edək ki, Pekin və Vaşinqton arasındakı münasibətlər Donald Trampın tarif siyasəti ilə son aylarda pisləşib.
Kopyalandı
Seçilmişlər
