Abxaziya Rusiya Qvardiyası ilə əməkdaşlıqdan imtina etdi?
Qondarma Abxaziya respublikası Rusiya Milli Qvardiyası ilə ikitərəfli əməkdaşlığa dair müqavilə imzalamağı rədd edib.
Bu barədə məlumatı “respublikanın” daxili işlər naziri Robert Kiut bildirib.
O qeyd edib ki, ölkə konstitusiyası belə məsələlərin xarici strukturlara verilməsini qadağan edir:
“Biz vətəndaşlarımızın bütün həyəcan və qayğılarını bölüşürük. Eyni zamanda daxili işlər naziri kimi, məsuliyyətlə bildirirəm ki, bizim idarəmizdə, eləcə də ölkənin bütün rəhbərliyində bu məsələyə hazır olan insanlar yoxdur.
Abxaziya dövlətinin milli maraqlarına və ya vətəndaşlarımızın mənafelərinə xələl gətirəcək şəkildə fəaliyyət göstərən nümayəndələrimiz də yoxdur. Abxaziyanın Konstitusiyası və qanunvericiliyi “ölkədə ictimai təhlükəsizliyin və asayişin xarici dövlətin hüquq-mühafizə orqanları tərəfindən təmin edilməsinə” imkan vermir.
Ölkədə təhlükəsizliyi təmin etmək üçün kifayət qədər kadr var. Amma biz Rusiya Qvardiyası və Daxili İşlər Nazirliyinin abxaz polislərinin bacarıqlarının artırılması və təcrübə mübadiləsi üçün əməkdaşlıq etməsinin əleyhinə də deyilik”.
Qondarma rejimin daxili işlər naziri Robert Kiut onu da əlavə edib ki, ölkədə Rusiya Qvardiyasının əməkdaşlarının respublikada fiziki mövcudluğunu və ya onların Abxaziyanın daxili işlərinə müdaxilə imkanlarını nəzərdə tutmayan saziş hazırlanıb.
![icon](/images/loading.png)