Ağ Evdə aşkarlanan kokain Bayden ailəsinə məxsusdur?

“Ağ Evdə tapılan kokain yalnız Amerika Birləşmiş Ştatlarının Prezidenti Co Baydenə və ya onun oğlu Hunter Baydenə məxsus ola bilər”.

Bu sözləri Amerika Birləşmiş Ştatlarının sabiq prezidenti Donald Tramp deyib.

“ABŞ-nin saxta xəbər mediası tezliklə yazacaq ki, tapılan kokain tozu deyil, aspirin imiş. Bu şəkildə də məsələni ört-basdır edəcəklər”, – deyə o əlavə edib.

Xatırladaq ki, iyulun 4-də Amerika Birləşmiş Ştatlarının Məxfi Xidməti Ağ Evdə kokain tozunun tapıldığını açıqlayıb.

Məlumat üçün bildirək ki, narkotik aşkarlandığı zaman Co Bayden və onun ailə üzvləri Ağ Evdə olmayıblar.