AKP-nin seçki kampaniyası zamanı silahlı hücum

İstanbulda bir nəfərin yaralanması ilə nəticələnən atışma olub.

Bu barədə Türkiyənin daxili işlər naziri Ali Yerlikaya “X” hesabında məlumat verib.

Onun sözlərinə görə, hücum 16:30 radələrində olub.

Nazir bildirib ki, Ədalət və İnkişaf Partiyasının (AKP) rəhbərlik etdiyi Respublika Alyansının namizədi Aziz Yeniayın seçki kampaniyası çərçivəsində keçirilən tədbirdə irikalibrli silahdan atəş açılıb. Hadisə nəticəsində 22 yaşlı Türkiyə vətəndaşı yaralanıb.

Qeyd edək ki, yaralı qadın xəstəxanaya yerləşdirilib, vəziyyəti ağırdır. Hücumla bağlı genişmiqyaslı istintaq başladılıb.