Amerikalı milyonçunun cavan qalmaq üçün xüsusi yolu: hər qərarda 30 həkimlə məsləhətləşir

ABŞ vətəndaşı, 46 yaşlı milyonçu, biotexnologiya üzrə sahibkar və yazıçı Brayan Consonun qeyri-adi hədəfi var. Belə ki, o, ölməməyi qarşısına məqsəd qoyub.

O, son üç ildə “Blueprint” adlı insan həyatı uzadılması sisteminin hazırlanmasına 4 milyon dollardan çox pul xərcləyib. Bu barədə sahibkar ölkənin “Time” jurnalına müsahibəsində danışıb.

Brayan Conson bildirib ki, “Blueprint” sisteminin bir hissəsi olaraq o, gündə 111 həb qəbul edir, nəcis toplayır və baş dərisini şüalandıran işıqlı papaq taxır.

Həkimlərin sözlərinə görə, milyonçunun sümükləri 30, ürəyi isə 37 yaşlı insan kimidir.