Amerikalı skripkaçının ittihamı Hollivudda rezonans doğurdu

02 yanvar 2026 272 baxış

Hollivud ulduzu Uill Smit ABŞ-də cinsi təcavüz ittihamı ilə gündəmə gəlib.

Amerikalı skripkaçı Brayan Kinq Los-Anceles məhkəməsində aktyora qarşı iddia qaldırıb.

İddia ərizəsində Kinq Uill Smitin onun etimadını qazanaraq sonradan cinsi istismar məqsədi güddüyünü iddia edir.

Musiqiçinin sözlərinə görə, aktyor onunla yaxın münasibət qurmağa çalışıb.

"Fox News"un yaydığı məlumata əsasən, məhkəmə sənədlərində Uill Smitin iddiaçı ilə ünsiyyətdə yaxınlıq ifadə edən və şəxsi sərhədləri aşan dildən istifadə etdiyi qeyd olunur.

İddiaçı bildirir ki, bu davranışlar onun psixoloji vəziyyətinə mənfi təsir göstərib.

Hazırda Uill Smit və onun nümayəndələri məsələ ilə bağlı rəsmi açıqlama verməyiblər. İş üzrə məhkəmə prosesinin nə vaxt başlayacağı hələlik məlum deyil.

Qeyd edək ki, bu iddialar Hollivudda son illər məşhur şəxslərə qarşı irəli sürülən cinsi xarakterli ittihamlar fonunda geniş ictimai rezonans doğurub.

#ABŞ