Amerikalıları qəzəbləndirən qərar | Trampa görə kimlər çətin duruma düşdü?

29 aprel 2025 588 baxış

Ağ Ev rəhbəri Donald Trampın hakimiyyətə gəlişindən bəri ABŞ-də ən azı federal hökumətin 121 min işçisi ixtisar edilib.

Bu barədə “CNN” öz hesablamalarına istinadən məlumat yayıb.

Qeyd olunub ki, kütləvi ixtisarlar 30-a yaxın departamentə təsir edib. Lakin ən çox zərər çəkən ABŞ-nin Beynəlxalq İnkişaf Agentliyi (USAID) olub. Belə ki, bir neçə ixtisar dalğasından sonra onun fəaliyyəti ümumiyyətlə dayandırılıb. Təhsil departamenti işçilərinin 51%-i ixtisar edilib, 12 regional şöbədən 7-si isə ümumiyyətlə bağlanıb.

ABŞ-nin Mənzil və Şəhər İnkişafı Departamenti ilə yanaşı, Səhiyyə və İnsan Xidmətləri Departamentinə daxil olan Milli Sağlamlıq İnstitutu əhəmiyyətli sayda işçisini itirib.

Ekspertlərin fikrincə, bu ixtisarların nəticələri artıq amerikalılar tərəfindən hiss olunur və hökumətin təhsil, səhiyyə və ictimai təhlükəsizlik sahələrində öz vətəndaşlarının marağını təmin etmək qabiliyyəti sual altına düşür.

#ABŞ