Ankara-Moskva xəttində yeni təmaslar | Liderlər hansı kritik məsələni müzakirə edəcək?

Türkiyə Prezidenti Rəcəb Tayyib Ərdoğan Rusiya Prezidenti Vladimir Putinlə “taxıl dəhlizi”nin yenidən açılmasını müzakirə edəcəyini bildirib.

“Zelenski ilə Ankarada görüşdük. Noyabrın 24-də Putinlə danışacağıq. “Taxıl dəhlizi” ilə bağlı səylərimiz sülhə aparan yolu açmaq üçündür. “Taxıl dəhliz”i vasitəsilə taxılın Afrikaya çatmasını hədəfləmişdik. Dəhlizin yenidən bərpa olunmasını Putindən xahiş edəcəyəm. Putinlə ölümləri dayandıra bilmək üçün hansı addımları ata biləcəyimizi müzakirə edəcəyik.

Aldığımız nəticələri həm Avropadakı tərəfdaşlarımızla, həm də ABŞ ilə bölüşəcəyik”, ‒ deyə Ərdoğan qeyd edib.

Cənubi Afrika Respublikasında keçirilən G20 sammiti çərçivəsindəki mətbuat konfransı zamanı Ərdoğan Qəzzadakı beynəlxalq sülhməramlı missiyada ölkəsinin silahlı qüvvələrinin iştirakı ilə bağlı hələ də qərar vermədiyini də bildirib.

“Bu məsələnin qiymətləndirilməsi tələb olunur. Buna görə də biz, xüsusən də Müdafiə Nazirliyi təhlükəsizlik qüvvələrimizin Qəzzada sabitləşdirici amil kimi necə istifadə edilə biləcəyini təhlil edəcəyik. Bu qiymətləndirmədən sonra qərar veriləcək”, ‒ deyə Ərdoğan vurğulayıb.