Pleyeri seçin:
Antarktidada sirli hadisə | Baş verənləri kimsə izah edə bilmir, çünki...
ABŞ-nin Pensilvaniya Universitetinin alimləri digər ölkələrdən olan həmkarları ilə birlikdə Antarktidada müasir fizika çərçivəsində izahı mümkün olmayan anomal radiosiqnallar aşkar ediblər.
Məlumatlar hava şarlarında yerləşdirilmiş ANITA kosmik hissəcik detektoru vasitəsilə əldə edilib. Cihaz səthdən təxminən 30 dərəcə aşağı bucaq altında gələn radio impulslarını qeydə alıb.
Əvvəlcə alimlər siqnalların neytrinolardan – maddəyə asanlıqla nüfuz edən, demək olar ki, çəkisiz hissəciklərdən qaynaqlana biləcəyini ehtimal edirdilər. Lakin təhlillər göstərib ki, aşkarlanan impulslar neytrinoların xassələrinə uyğun gəlmir.
Qara maddə də daxil olmaqla, digər fərziyyələr də sınaqdan keçirilib. Lakin “IceCube” və Pyer Oje Rəsədxanası kimi digər detektorlardan əldə edilən məlumatlar oxşar anomaliyaları təsdiqləməyib. Bu isə ANITA siqnallarını unikal və hələlik izaholunmaz edir.
Kopyalandı
Seçilmişlər
