Pleyeri seçin:
Antik xarabalıqda elə izlər aşkarlandı ki… | Nələr sübut edildi?
Türkiyənin Karabük vilayəti ərazisində Hadrianopolis adlanan antik şəhərin xarabalığında Qədim Roma əsgərlərinin strategiya oyunlarının izləri aşkarlanıb.
Arxeoloqlar təxminən 1600 il əvvəl Qədim Roma əsgərləri tərəfindən istifadə edildiyi güman edilən iki oyun parçası tapıblar. Bu kəşf Hadrianopolisin təkcə mədəniyyət mərkəzi deyil, həm də Roma imperiyasının strateji hərbi anklavı olması nəzəriyyəsini gücləndirir.
Professor Ersin Çelikbaşın rəhbərlik etdiyi ekspedisiya linzavari parçaların birində dördqollu simvol, digərində isə səkkizqollu işarə ilə bənzərsiz qravüralarla bəzədilmiş parçaları tapıb.
E.Çelikbaş oyun fiqurlarının böyük ehtimalla nərd oyununa bənzəyən “Duodecim Scripta” və ya oyunçuların mühasirəyə alaraq rəqibinin fiqurlarını tutmağa çalışdığı “Ludus Latrunculi” üçün istifadə edildiyini bildirib. Bu tapıntılar Hadrianopolisdə yerləşən hərbi hissənin təxminən 200 və ya 300 il fəaliyyət göstərdiyini sübut edir.
Kopyalandı
