Araq oğurlayan qatil meymun görün necə cəzalandırıldı

Hindistanda 6 yaşlı "Kalua" ləqəbli meymun 1 nəfəri öldürməkdə, 250 insanı isə yaralamaqda təqsirli bilinərək ömürlük azadlıqdan məhrum edilib.

Meymunun insanlara hücum edərkən sərxoş olduğu müəyyən edilib.

İstintaq zamanı o da məlum olub ki, meymunun sahibi onu kiçik vaxtlarından ət və araqla bəsləyib. Sahibi öləndən sonra meymun mağazalardan spirtli içki oğurlayaraq içib, insanlara hücum edirmiş.

Alimlər müəyyən ediblər ki, meymunların bir çoxu bir neçə xəstəliyə yoluxub, bəziləri isə insan həyatı üçün təhlükə yarada bilər.

Bu xüsusi xəstəliklərin nə qədər geniş yayıldığı hələ məlum deyil. Bununla belə, başqa bir araşdırmada quduzluq virusu Hindistanın Şimla bələdiyyəsində ölmüş meymunda aşkar edilib. Bu o deməkdir ki, meymunlar infeksiyaya həssas ola bilər və potensial olaraq xəstəliyi ötürə bilər.

Bioloqlar həmin meymunun itdən yoluxduğunu irəli sürüblər.