Avropanın su hövzələri görün necə çirkləndirilib | Təcili tədbirlər görülməlidir, yoxsa…

Avropa Komissiyası yeni hesabatında Avropanın çoxsaylı su hövzələrinin kimyəvi maddələrlə çirkləndiyini açıqlayıb.

Bu göstəricilər vəziyyətin daha da pisləşməsinin qarşısını almaq üçün təcili tədbirlər görülməsinin zəruri olduğunu ortaya qoyur.

2021-ci ildə Avropanın göl, çay və sahilyanı əraziləri daxil olmaqla, yerüstü su hövzələrinin cəmi 39,5%-i "yaxşı" ekoloji statusa malik olub. Bununla yanaşı, cəmi 26,8% su hövzəsi ekoloji standartlara uyğun olub ki, bu da 2015-ci ildə qeydə alınmış 33,5%-lik göstəricidən aşağıdır.

Hesabatda yeraltı su hövzələrinin vəziyyətinin daha yaxşı olduğu bildirilir. Belə ki, yeraltı suların 86%-i kimyəvi baxımdan yaxşı vəziyyətdədir. Bununla belə, Avropa İttifaqının əksər ölkələrində kənd təsərrüfatından qaynaqlanan nitrat tullantıları yeraltı suları çirkləndirməyə davam edir.

Avropa Komissiyasının ətraf mühit məsələləri üzrə komissarı Cessika Rozuoll "Reuters" agentliyinə müsahibəsində bildirib ki, biz suyu həddindən artıq adi bir resurs kimi qəbul etmişik və düşüncə tərzimizi dəyişdirməyin vaxtı çatıb.