Bayden Netanyahunu silahla hədələdi | Bunu dayandıracağam!

Yaxın Şərqdə vəziyyət gərgin olaraq qalır.

İsrailin Rəfahda əməliyyatlara başlaması, bölgədəki gərginliyi daha da artırıb. Bütün bunların fonunda hər zaman rəsmi Təl-Əvivi dəstəkləyən ABŞ isə bu dəfə İsrailə qarşı çıxıb.

Ağ Ev rəhbəri Cozef Bayden də ölkənin “CNN” telekanalına müsahibəsində deyib ki, məsələ ilə bağlı artıq İsrailə xəbərdarlıq edilib.

“Qəzzada mülki şəxslər atılan bombalar nəticəsində həyatlarını itiriblər. Mən açıq şəkildə bildirdim ki, əgər İsrail Ordusu Rəfaha daxil olsa, ölkəyə bir sıra silah-sursatların verilməsini dayandıracağam. Söhbət mülki şəxslərə hücum etmək məqsədilə istifadə olunan və ABŞ istehsalı olan silahlardan gedir. Lakin hələ ki bu baş verməyib. Yenə vurğulayıram ki, mən Netanyahu və onun müharibə kabineti ilə də danışmışam, əgər onlar əhalinin sıx məskunlaşdığı mərkəzi yerlərə daxil olsalar, bizim dəstəyimizi ala bilməyəcəklər”, – C.Bayden bildirib.