“Bayraktar TB3” ilk dəfə TEKNOFEST-də sərgilənəcək

Türkiyənin "Baykar" şirkətinin texniki direktoru Səlcuq Bayraktar "Twitter" səhifəsində yeni "Bayraktar TB3" pilotsuz uçuş aparatının fotolarını paylaşıb.

Bildirib ki, "Bayraktar TB" xəttinin yeni modelinin qanadları qatlama qabiliyyətinə malikdir və bu növdə olan ilk PUA-dır. Türkiyə mediasının məlumatına görə, “Bayraktar TB3” havada 50 saata qədər qala bilir.

Qeyd edək ki, “Baykar”ın öz imkanları ilə inkişaf etdirdiyi “Bayraktar TB3” PUA-sı ilk dəfə 27 aprel - 1 may tarixləri arasında İstanbul Atatürk Hava Limanında Türkiyə Cumhuriyyətinin 100 illik yubileyində təşkil olunacaq “TEKNOFEST-2023” sərgisində nümayiş etdiriləcək.