Pleyeri seçin:
BBC-nin baş direktoru Trampın çıxışı ilə bağlı qalmaqaldan sonra istefa verdi
Böyük Britaniyanın BBC teleradio korporasiyasının baş direktoru Tim Deyvi ABŞ Prezidenti Donald Trampın çıxışı ilə bağlı yaranan qalmaqaldan sonra istefa qərarı verib.
Bu barədə məlumatı korporasiyanın özü yayıb.
Məlumata görə, BBC 2021-ci ildə Donald Trampın çıxışını saxta şəkildə montaj edərək, onun Kapitoli binası qarşısındakı iğtişaşları dəstəklədiyi təəssüratını yaradıb.
Tim Deyvi ilə birlikdə xəbərlər şöbəsinin baş direktoru Debora Törnes də istefa verib.
“Bu, tamamilə mənim şəxsi qərarımdır. Mən vəzifədə olduğum müddətdə, o cümlədən son günlərdə mənə göstərilən dəstəyə görə sədrə və idarə heyətinə minnətdaram”, – deyə Tim Deyvi açıqlamasında bildirib.
O qeyd edib ki, rəhbərlikdə dəyişiklik mərhələli şəkildə həyata keçiriləcək və yaxın aylarda səlahiyyətlərin yeni rəhbərə ötürülməsi təmin olunacaq: “Ümumilikdə BBC yaxşı işləyir, lakin bəzi səhvlərə yol verilib. Baş direktor kimi bu səhvlərə görə tam məsuliyyəti mən daşıyıram”.
Kopyalandı
#BBC telekanalı teqi istifadə olunub
- Telekanal jurnalistikanın prinsiplərini pozub? - Baku TV
- ABŞ Prezidenti BBC-yə qarşı milyardlarla dollarlıq böhtan iddiası qaldırdı - Baku TV CANLI
- Gürcü politoloqlar mövcud vəziyyəti Baku TV-yə şərh etdi - Baku TV
- "BBC qalmaqalı"nın görünməyən tərəfi
- Rəhbərlər istefa verdi | Donald Tramp BBC-dən nəyə görə 1 milyard dollar tələb etdi?
Seçilmişlər
