Belçikalı həkimdən sağlamlıqla bağlı vacib tövsiyə

Belçikalı həkim Erik Verdin insanı gün ərzində daha uzun müddət tox saxlayan və zərərli qəlyanaltılardan uzaqlaşdıran səhər yeməyinin əsas "qızıl qayda"sını açıqlayıb.

Mütəxəssis xəbərdarlıq edir ki, səhər saatlarında portağal şirəsi ilə dənli bitkilərin qəbul edilməsi ən faydasız seçimlərdən biridir. Tərkibində şəkərin yüksək olması səbəbindən bu cür kombinasiya orqanizmə mənfi təsir göstərir.

Həkimin sözlərinə görə, səhər yeməyində əsas şərt günün ilk yarısında meyvəli qatıq və tort kimi şirin məhsullardan imtina etməkdir.

Həkim şirniyyatların əvəzinə səhər rasionuna yumurta, qızılbalıq, tam taxıllı çörək və avokado daxil etməyi tövsiyə edir. Belə menyu orqanizmi faydalı yağlar, tam zülal və liflə təmin edir.

Mütəxəssis vurğulayır ki, xüsusilə liflər bağırsaqlarda olan faydalı bakteriyaları qidalandıraraq sağlam həzm prosesinin qorunmasında mühüm rol oynayır.