“Bu, ölkədəki ən böyük...” - Tramp yeni layihənin detallarını açıqladı

ABŞ Prezidenti Donald Tramp Ağ Evdə yeni ziyafət salonunun inşası layihəsi çərçivəsində genişmiqyaslı tikinti işlərinə başladığını təsdiqləyib.

“Bilirsiniz, biz elə buradaca, arxada yeni bir bal zalı inşa edirik. Onlar bu bal zalını 150 ildir istəyirlər. Düşünürəm ki, bunu etməliyik. Bu otaq bal zalı olub və bu otaq 88 nəfərlik idi. Yeni zal isə 999 nəfərlik olacaq, bu isə böyük fərqdir. Onlar 999 deyirlər, çünki min nəfəri keçmək istəmirlər. İnsanların narahat olmasını istəmədim, çünki bu, artıq çox böyük sayılır. Amma bu bizim ölkədəki ən gözəl bal zalı olacaq", ‒ deyə ABŞ lideri bildirib.

Prezident qeyd edib ki, ciddi tikinti işləri gedir və bunun nəticəsində yaranan səs-küy Ağ Evin bütün kompleksinin ərazisində eşidilə bilər.

Ziyafət zalının inşası planları rəsmi olaraq iyulun sonunda elan edilib. Hazırlıq işləri son bir neçə ay ərzində aparılıb.