Çavuşoğluya NATO-da önəmli vəzifə verildi

Türkiyə Böyük Millət Məclisinin deputatı, ölkənin keçmiş xarici işlər naziri Mövlud Çavuşoğluya yeni vəzifə verilib.

M.Çavuşoğlu Türkiyənin NATO Parlament Assambleyasındakı nümayəndə heyətinin rəhbəri təyin olunub.

Qeyd edək ki, M.Çavuşoğlu 2013-cü ilin yanvar-dekabr aylarında Ədalət və İnkişaf Partiyası Sədrinin xarici işlərdən məsul katibi vəzifəsini icra edib. Həmin ildə TBMM Türkiyə-ABŞ və Türkiyə-Yaponiya parlamentlərarası dostluq qrupunun rəhbəri olub. 2014-2023-cü illərdə isə Türkiyənin xarici işlər naziri vəzifəsində çalışıb. İyunda yeni hökumət qurulandan sonra isə Türkiyənin xarici işlər naziri vəzifəsini Hakan Fidan yerinə yetirir.