Pleyeri seçin:
Cennifer Lopez ayrılıqdan öncə və sonra yaşadıqlarını etiraf etdi
Məşhur aktrisa və müğənni Cennifer Lopez şəxsi həyatı ilə bağlı səmimi etiraflar edib. Sənətçi, keçmiş həyat yoldaşı Ben Afflekdən ayrılığın onun həyatında dönüş nöqtəsi olduğunu və yetkinləşməsinə kömək etdiyini bildirib. 2024-cü ilin avqust ayında iki illik evlilikdən sonra "fikir ayrılıqları" səbəbindən münasibətlərə son qoyulub. Lopez boşanma qərarını "bir fürsət" adlandırır və indi özünü daha müstəqil və xoşbəxt hiss etdiyini vurğulayıb. O, çətin dövrdə həyat yoldaşının icraçı prodüseri olduğu "Hörümçək qadının öpüşü" filmi üzərində çalışdığını və işin ona ağrılardan uzaqlaşmağa kömək etdiyini etiraf edib. Ulduz, hətta ayrılıqdan sonra həyatının ən yaxşı yayını yaşadığını deyərək, indiki vəziyyətindən məmnunluğunu dilə gətirib.
Kopyalandı
