Pleyeri seçin:
Çində şiddətli yağışlar 44 nəfərin ölümünə səbəb oldu
Çinin paytaxtı Pekində 10 günə yaxındır davam edən şiddətli yağışların yaratdığı fəsadlardan ölənlərin sayı 44 nəfərə çatıb. Onlardan 31-i ahıllar evinin sakinləri olub. Təbii fəlakət nəticəsində 9 nəfər itkin düşüb.
Leysan 300 mindən çox sakinin həyatına mənfi təsir edib, 24 mindən çox fərdi evə ziyan dəyib. Bundan başqa, sel və daşqın ictimai və kommersiya binalarına, əkin sahələrinə, avtomobil yollarına zərər yetirib, güclü külək kommunikasiya və elektrik xətlərini sıradan çıxarıb. Bəzi yaşayış məntəqələrində yağıntının miqdarında rekordlar qeydə alınıb.
Pekin ətrafındakı qəsəbə və kəndlərdən ümumilikdə 80 min sakin təhlükəsiz ərazilərə təxliyə edilib.
Kopyalandı
