Dövlət sirrini açdılar | Alman məmurları hansı cəza gözləyir?
“Şimal axını 2”nin tikintisini planlaşdıran alman məmurlar həbs oluna bilərlər.
Bu barədə yerli media məlumat yayıb.
Xəbərə görə, onlar qaz kəmərinin planlaşdırılması icazəsində NATO ilə bağlı məxfi məlumatları dərc ediblər. Bildirilib ki, 2018-ci ilin yanvarında Stralsund şəhərinin dağ-mədən departamenti öz saytında “Şimal axını 2”nin planlaşdırılması icazəsi”ni dərc edib.
Sənədin 556-cı səhifəsində Almaniya Müdafiə Nazirliyinin “məxfi, yalnız rəsmi istifadə üçün” kimi təsnif edilən məlumatları olub. Bu qeydlərdə hətta NATO-nun sualtı qayıqlarının fəaliyyət göstərdiyi ərazilər və oradakı silahların sayı barədə gizli bildirilən məlumatlar da sızdırılıb.
Xəbərdə eləcə də qeyd edilib ki bu, Almaniya Müdafiə Nazirliyinin məxfi məlumatlarıdır və ciddi şəkildə rəsmi istifadə üçün nəzərdə tutulub. Bununla əlaqədar ölkənin Baş Prokurorluğu yoxlamalara başlayıb. Dövlət sirrini açıqlayan işçiləri beş ilə qədər həbs gözləyir.
Xatırladaq ki, 2022-ci ilin sentyabrın 27-də Rusiya qazını Avropaya nəql edən əsas marşrutda – “Şimal axını 1” və “Şimal axını 2” qaz kəmərlərində iki partlayış baş verib.
![icon](/images/loading.png)