Dünyanın ən qədim insanı ilə bağlı tapıntılar nələri üzə çıxardı?

Qərbi Avropada ən qədim insan üzünün fraqmenti kəşf olunub.

Sözügedən tapıntı bölgədə erkən Pleystosen dövründə iki fərqli insan növünün yaşadığını təsdiqləyir.

Üz fraqmenti 2022-ci ildə İspaniyada yerləşən arxeoloji qazıntı sahəsindən aşkar edilib.

Təxminən iki il ərzində aparılan ətraflı analizlər nəticəsində müəyyən edilib ki, bu üz fraqmenti yetkin bir insana məxsus olub və üzün sol hissəsini təşkil edir. Tapıntıya tədqiqatçılar tərəfindən çəhrayı adı verilib.

Rekonstruksiya və təsnifat prosesində ənənəvi konservasiya üsulları ilə yanaşı, qabaqcıl 3D təsvir və analiz texnologiyalarından istifadə edilib.

Bununla belə, dr. Martin Torres qeyd edir ki, mövcud sübutlar tapıntının dəqiq təsnifatı üçün hələ də kifayət deyil. Buna görə də fraqment “Homo aff. erectus” kimi təyin edilib ki, bu da onun “Homo erectus” növünə yaxın olduğunu, lakin tam aid edilmədiyini göstərir.

Kəşf edilən üz fraqmenti ilə yanaşı, qazıntı sahəsində daş alətlər və kəsilmiş heyvan qalıqları da tapılıb. Bu tapıntılar həmin dövrdə yaşamış erkən avropalıların mövcud heyvan ehtiyatlarını yaxşı tanıdıqlarını və onlardan sistemli şəkildə istifadə etdiklərini göstərir.

Tədqiqatın nəticələri gələcəkdə Avropada insan təkamülünü daha geniş miqyasda öyrənmək üçün əsaslı zəmin yaradır.