Dünyanın ən varlı insanı evlənir | Venesiyada fövqəladə vəziyyət elan edildi

217 milyard dollarlıq sərvəti ilə dünyanın ən varlı ikinci insanı olan Ceff Bezos iyun ayında nişanlısı Loren Sançezlə Venesiyada evlənəcək.

Bezos üç gün davam edəcək bu möhtəşəm toy üçün böyük məbləğdə vəsait xərcləməyə hazırlaşır.

İngiltərənin "Daily Telegraph" qəzetinin məlumatına görə, toy tədbirləri üçün Venesiyada demək olar ki, fövqəladə vəziyyət elan edilib.

Bezos qonaqlarını yerləşdirmək üçün "Gritti Palace" və "Aman Venice" hotelləri ilə yanaşı, "San Clemente Palace" hotelini də 26-29 iyun tarixlərində tamamilə icarəyə götürüb. Bu prestijli hotel dünyanın ən lüks hotellərindən biri hesab olunur və Bezosun nağıl kimi toyuna ev sahibliyi edəcək.

"San Clemente Palace"da otaqların bir gecəlik qiymətinin 3200 dollardan başladığı bildirilir. Toyun miqyasının böyüklüyü o həddə çatıb ki, artıq Venesiyadakı bütün su taksiləri tədbir üçün rezerv edilib.

Dünyaca məşhur "Hollywood" ulduzları və beynəlxalq elitanın iştirak edəcəyi bu toyda qonaq siyahısında bir çox tanınmış simanın yer aldığı deyilir. İddiaya görə, İvanka Tramp və həyat yoldaşı, Kim Kardaşyan, Eva Lonqoria, Orlando Blum və nişanlısı Keti Perri, eləcə də televiziya əfsanəsi Opra Uinfri bu dəbdəbəli tədbirdə iştirak edəcək.