Pleyeri seçin:
Dünyanın ən yaşlı 3-cü insanı neçə yaşında vəfat etdi?
ABŞ-də yaşayan dünyanın sayca üçüncü ən yaşlı insanı Elizabet Frensis 115 yaşında vəfat edib.
Elizabet Frensis dünyanın üçüncü ən yaşlı insanı kimi rekordlar kitabına da düşüb. 1909-cu ildə anadan olan Frensis ABŞ-nin 20 prezidentinin dövrünü görüb.
Hyustonda yerli televiziya kanallarından birinin bufetini idarə edən Frensis 95 yaşlı qızı və nəvələri ilə birlikdə yaşayıb.
Ailə üzvlərinin dediyinə görə, Frensisin bu qədər uzun yaşamasının sirri onun güclü ailə bağlarının olmasıdır.
“İnsanların təkbaşına bu yaşa çatması olduqca çətindir. Frensisi bu qədər uzun müddət yaşadan onun ailəsi və ətrafındakı insanlarla qurduğu möhkəm bağlar olub. Hyuston icmasının sevimli üzvü Frensis geridə böyük və mehriban bir ailə qoyub getdi”, – deyə yaxınları bildirib.
Kopyalandı
