Əbu-Dabidə neft emalı zavoduna PUA hücumu | İran zərbələrə başladı - Baku TV

ABŞ "Epik Qəzəb" əməliyyatının başlanğıcından bəri İranın 65-dən çox hərbi gəmisini batırıb və İran daxilində 6 mindən çox hədəfə zərbələr endirib.

Bu barədə Ağ Evin mətbuat katibi Kerolayn Livitt "Fox News" telekanalına müsahibəsində bildirib.

Onun sözlərinə görə, Tehranın raket atışlarının sayı 90 %, İranın hücum dronlarından istifadə qabiliyyəti isə 95 % azalıb.

İsrailin Müdafiə Ordusu İrandan ölkəyə doğru raketlərin atışlarını aşkarladığını açıqlayıb.

Ordunun məlumatına görə, raketləri zərərsizləşdirmək üçün Hava Hücumundan Müdafiə sistemləri işə salınıb. Həmçinin müvafiq ərazilərin sakinlərinin mobil telefonlarına da xəbərdarlıqlar və təhlükəsizlik təlimatları göndərilib. Hərbçilər ictimaiyyəti ehtiyat təlimatlarına əməl etməyə çağırıblar.

İranın pilotsuz təyyarəsi Əbu-Dabi Əmirliyinin (BƏƏ) Ər-Ruvays sənaye şəhərindəki neft emalı zavoduna hücum edib. Nəticədə, obyektdə yanğın baş verib, xilasetmə xidmətləri yanğını nəzarət altına alıb. Xəsarətalan yoxdur.