Ən qızğın müharibələrdə nələrdən istifadə olunub? | 100-lərlə əsgərin həyatını xilas edən üsul

15 mart 2025 360 baxış

Fransa Ordusu Avropada hələ də fövqəladə hallarda göyərçinlərdən istifadə edən yeganə ordu olaraq qalır.

Bu ənənə göyərçinlərin döyüş meydanında əvəzolunmaz elçilərə çevrildiyi Birinci Dünya Müharibəsindən başlayır.

Göyərçin poçtu ən qanlı döyüşlər zamanı mesajların ötürülməsi üçün əsas vasitə idi. Məşhur nümunələrdən biri yaralanmasına baxmayaraq, 1916-cı ildə Verden döyüşü zamanı yüzlərlə əsgərin təxliyə edilməsinə imkan verən həyati mesajı çatdıran Vaylant adlı göyərçindir.

Bu gün Fransa Ordusunun 150-yə yaxın göyərçinləri Paris yaxınlığındakı Mont-Valeren qalasında saxlanılır. Onlar müasir kommunikasiya sistemlərinin sıradan çıxa biləcəyi ekstremal şəraitdə potensial istifadə üçün öyrədilir. Göyərçinlər 1000 kilometr məsafə qət edə və 120 km/saat sürətə çata bilirlər.

Fransa ilə yanaşı, digər ölkələrdə də göyərçinlərdən istifadə olunmağa davam edir. Buna misal olaraq, Çin 10 mindən çox quşdan ibarət ordu yaradıb.

#Fransa ordusu