Ərdoğan məsciddə bıçaqlı hücuma məruz qalan imama zəng edib

Türkiyə Prezidenti Rəcəb Tayyib Ərdoğan bıçaqlı hücuma məruz qalan İstanbulun Fateh məscidinin imamı Qalip Ustaya zəng edib.

Türkiyə lideri imama şəfa diləyib, tezliklə sağalıb öz xidmətinə qayıtması üçün dua edib.

O, həmçinin imamı müalicə edən həkimlərlə danışıb, xəstənin sağlıq vəziyyəti ilə maraqlanıb.

Xatırladaq ki, bıçaqlanma hadisəsi İstanbul şəhərində Fateh məscidində baş verib. Səbəb isə məscid imamının ibadət ocağında şüarlar səsləndirən şəxsə irad bildirməsi olub.