Erməni kişilər ordudan qaçır, qadınlar məcburi əsgərliyə aparılır

Ermənistan Ordusunda ilk yaşanıb.

Ölkənin Müdafiə Nazirliyi 6 aylıq məcburi hərbi xidmətə göndərilən ilk qadın Milena Yenokyanın görüntülərini paylaşıb.

Yerli mətbuatın məlumatına görə, Milena Yenokyan ixtisasca proqramçıdır və aktiv şəkildə idmanla məşğul olur. O, 2 il Vazgen Sarkisyan adına Hərbi Akademiyaya daxil olmağa çalışsa da, görmə probleminə görə qəbul edilməyib. Daha sonra o, əməliyyat olunub və hərbi xidmətə yararlı elan edilib.

“Mən hərbi məsələlərlə bir qədər tanışam, xidmətdə olduğum müddətdə və hərbi institutda təcrübəmi daha da genişləndirəcəyəm”, – deyə Milena Yenokyan qeyd edib.