Ermənistanda etiraz dalğası genişlənir | Siyasi məhbusları azad edin
Ermənistan Xarici İşlər Nazirliyinin binası yaxınlığında Avropa Şurasının Baş katibi Mariya Peyçinoviç-Buriçin İrəvana gəlişi ilə bağlı etiraz aksiyası keçirilib.
Bu barədə yerli media məlumat yayıb.
Bildirilib ki, polis etirazçıların Avropa nümayəndə heyətinə yaxınlaşmasına imkan verməyib. Təşkilatın Baş katibi sürətlə binaya daxil olub.
Məlumat üçün bildirək ki, etirazçılar Ermənistanda həbs olunanların azad edilməsini tələb edirlər. Bu siyahıda sabiq təhsil və elm naziri Armen Aşotyan, müxalifət fəalları Narek Malyan, Vazgen Saqatelyan və hakimiyyətin ünvanına efirdə səsləndirdiyi təhqirə görə saxlanılan “Vətəndaş şüuru” ictimai təşkilatının sədri Narek Samsonyan da var.
Aksiya iştirakçıları adı sadalananların siyasi məhbus olduğunu iddia edirlər. Həmçinin bildirilib ki, aksiya iştirakçıları Ermənistanda siyasi məhbus məsələsi ilə bağlı Avropa Şurası Parlament Assambleyasında dinləmələr təşkil etməyi və ölkə hakimiyyətindən onların azadlığa buraxılması tələbi ilə bağlı qətnamənin qəbul olunmasını da istəyirlər.
![icon](/images/loading.png)