Ermənistanda film kimi cinayət | Hadisənin detalları açıqlandı

İrəvanda yerləşən Zvartnots hava limanı yaxınlığında film kimi cinayət baş verib.

Belə ki, silahlı və maskalı şəxslər tərəfindən şəhər istiqamətində hərəkət edən avtomobilə hücum edilib. Onlar maşını saxlayıb, sürücü və iki sərnişini salonu tərk etməyə məcbur ediblər.

Daha sonra sürücü və sərnişinlər yerə uzadılıb, qolları qandallanıb. Maşında olan 6 milyon dollar dəyərində qızıl və pulu götürən cinayətkarlar hadisə yerindən yoxa çıxıblar.

Hazırda işə polis qarışıb. Faktla bağlı “quldurluq” və “qanunsuz silah gəzdirmə” maddələri ilə cinayət işi başlanılıb. Zərərçəkmişlər polis orqanına dəvət ediliblər.

İndi erməni mediasında ən çox müzakirə olunan iki sual var: o pullar haradan idi və cinayətkarlar bu barədə necə məlumat əldə etmişdilər?