Ermənistanda hərbi hissəyə hücum edildi | Saxlanılanlar var

Ermənistanda mülki şəxslər hərbi hissəyə hücum edib.

Bu barədə ölkənin İstintaq Komitəsi məlumat yayıb.

Bildirilib ki, insident Müdafiə Nazirliyinin Sisiandakı hərbi hissələrindən birində baş verib. Keçid məntəqəsinin qapısında vətəndaşlar iki hərbçi ilə münaqişəyə girərək onları vurub və qaz tapançasından havaya atəş açıb.

İstintaq Komitəsi üç nəfərin həbs edildiyini açıqlayıb. Qeyd olunub ki, üç yerli sakin Ermənistan Cinayət Məcəlləsinin bir sıra maddələri ilə ittiham olunaraq həbs edilib.

Məlumat üçün bildirək ki, hadisə iyulun 7-də baş versə də, təfərrüatları barədə məlumat ictimaiyyətə iyulun 11-də təqdim edilib.