Etirazçılar Baş nazirin iqamətgahını ələ keçirdi | Banqladeşdə ara qarışdı

Banqladeşin Baş naziri Şeyx Hasina ölkədən qaçıb. Banqladeş ordusunun qərargah rəisi Vaqar-uz-Zaman xəbəri təsdiqləyib.

Bu barədə məlumat yerli mediada paylaşılıb. Yaxın günlər ərzində müvəqqəti hökumətin qurulacağı bildirilib. Qərargah rəisi xalqa müraciətində əhaliyə orduya etimad göstərməyi tövsiyə edib.

Qeyd edək ki, yerli media Baş nazir Şeyx Hasinanın öz bacısı ilə birgə hərbi helikopterlə Hindistana qaçdığı barədə məlumat yayıb. Etirazçılar Baş nazirin iqamətgahını ələ keçiriblər.