Gürcüstanda gərgin anlar | 4 ölkənin XİN başçıları aksiyaya qoşuldu

Tbilisidə "xarici təsir" qanunu əleyhinə yenidən etiraz aksiyaları keçirilir.

Aksiya iştirakçıları Parlament binasının qarşısındakı Rustaveli prospektini bağlayıblar. Polis yolda qalan nəqliyyat vasitələrini alternativ istiqamətlərə yönəldib.

Mitinqdə Gürcüstanın və Avropa İttifaqının himni səsləndirilib. Etirazçılar qanun əleyhinə müxtəlif şüarlar səsləndiriblər.

Bu arada, Latviya, Estoniya, İslandiya və Litvanın xarici işlər nazirləri sözügedən qanuna etiraz aksiyasına qoşulublar. Parlamentə yürüşdə onlar da təmsil olunub. Avropalı siyasətçilərin Rustaveli prospektində görünməsi vətəndaşlar tərəfindən alqışlarla qarşılanıb.

Qeyd edək ki, Gürcüstana səfəri çərçivəsində 4 ölkənin xarici işlər nazirləri Prezident Salome Zurabişvili, Baş nazir İrakli Kobaxidze, eləcə də parlamentin sədri Şalva Papuaşvili, müxalifət və qeyri-hökumət sektorunun nümayəndələri ilə görüşüblər.