Gürcüstanı təhdid etdilər: Dosye bağlanır

“Almaniya səfiri qədər ümidsiz olmazdım. Hamımız yaxşı bilirik ki, zaman və müxtəlif bürokratik amillərin təsiri altında qərarlar və ya siyasi addımlar dəyişə bilər”.

Bunu Gürcüstan parlamentinin sədr müavini Nino Tsilosani deyib.

“Gürcüstan xüsusi hücum və şantaj obyektidir. Onların tamamilə qeyri-münasib tələblərini yerinə yetirmədik, bunlardan biri ailə dəyərləri haqqında qanunun ləğvi ilə bağlı idi. Yəqin ki, bu fonda müəyyən şantaj məntiqlidir. Bunun davamı Almaniya səfirinin həmin açıqlamasıdır, bununla Gürcüstan xalqında formalaşdırılmaq istənilən təsəvvürləri daha da ağırlaşdırmağa çalışır.

Gürcüstan Avropa İttifaqına namizəd ölkə kimi xüsusi seçilir, təkcə digər namizədlərdən deyil, hətta üzv ölkələrdən də. Gürcüstan bir daha Avropa İttifaqı çərçivəsində öz sözünü deyəcək. Əlbəttə, bu, Avropa İttifaqının ciddi, obyektiv və ədalətli qərarına bağlıdır”, ‒ Nino Tsilosani qeyd edib.

Almaniya səfiri Peter Fişer bundan əvvəl bəyan etmişdi ki, dekabrda Avropa Şurasında dövlət və hökumət başçılarının toplantısında Gürcüstan dosyesi bağlanacaq.