Hakan Fidan Brüsseldə bir sıra görüşlər keçirib - Baku TV
Türkiyənin xarici işlər naziri Hakan Fidan Brüsseldə yerləşən NATO-nu nun qərargahında xarici işlər nazirlərinin görüşü çərçivəsində Böyük Britaniya və Niderlanddan olan həmkarları – İvett Kuper, David van Vil, eləcə də NATO-nun rəhbəri Mark Rutte ilə görüşüb.
“Anadolu” agentliyinin məlumatına görə, H.Fidan və NATO-nun Baş katibi Ukrayna və Rusiya arasında müharibənin sona çatdırılması istiqamətində göstərilən səylər, həmçinin Qara dəniz təhlükəsizliyi məsələlərini müzakirə ediblər.
“Qara dənizdə həyata keçirilən hücumlar, əslində, Türkiyənin etdiyi xəbərdarlıqlarda nə qədər haqlı olduğunu üzə çıxardı. Çünki bu, savaşın coğrafiyasının genişləndiyini göstərir. “Kairos” və “Virat” gəmilərinə edilən hücum Qara dənizin ticarətə qapalı olmasına gətirib çıxarır”, – deyə Hakan Fidan bildirib.
Türk diplomatik mənbələrin bildirdiyinə görə, Böyük Britaniyanın xarici işlər naziri İvett Kuperlə görüşdə Qəzzadakı vəziyyət, Rusiya-Ukrayna müharibəsinin sona çatdırılması üçün səylər, eləcə də Suriya və Livan məsələləri müzakirə olunub.
Rusiya-Ukrayna müharibəsinin sona çatdırılması ilə bağlı H.Fidan ədalətli və davamlı həllin tapılmasının vacibliyini vurğulayıb.
H.Fidanın Niderlandın xarici işlər naziri David van Villə görüşü barədə ətraflı məlumat verilməyib.
#Hakan Fidan teqi istifadə olunub
- Hakan Fidanın qətərli həmkarı ilə birgə mətbuat konfransı baş tutub
- ABŞ və İran danışıqları bərpa etməyə hazır deyil | Hakan Fidan - Baku TV
- Azərbaycan və Türkiyə XİN başçıları hansı məsələləri müzakirə etdi? - Baku TV
- Hakan Fidan iranlı həmkarı Abbas Əraqçi ilə nələrdən danışdı? - Baku TV CANLI
- İran Türkiyəyə raket atdı, nazirlər təcili telefonla danışdı, Səfir XİN-də çağırıldı - Baku TV
