Hamı bunun arxasında kimin dayandığını bilməlidir | Papuaşvilidən açıqlama

Gürcüstan parlamentinin sədri Şalva Papuaşvili “Xarici təsirin şəffaflığı haqqında” qanunu imzalayıb.

Məlumatı Gürcüstan parlamenti yayıb. Bununla da Gürcüstanda mübahisəli qanun layihəsi qüvvəyə minib.

Parlament sədri Şalva Papuaşvili bildirib ki, qanunun əsas məqsədi Gürcüstanın siyasi, iqtisadi və sosial sistemlərinin xarici müdaxilələrə qarşı dayanıqlılığını gücləndirməkdir.

“Bu gün qanun layihəsini imzaladım. Qanunun yanaşması sadə və aydındır. Qeyri-hökumət təşkilatları və media xarici hökumətlərin maliyyəsi ilə qərarların qəbulu prosesində iştirak etmək və gürcü xalqının həyatına təsir etmək istəyirsə, minimum şəffaflıq standartına cavab verməlidir – əhali hər bir aktorun arxasında kimin dayandığını bilməlidir”, – deyə Ş.Papuaşvili bildirib.