Həkimlərin səyi nəticəsiz qaldı | Türkiyə hərbçisi şəhid oldu

İraqın şimalında Türkiyə ordusunun keçiridiyi “Pençe-Kilit” antiterror əməliyyatı bölgəsində terrorçuların hücumu nəticəsində şəhid olan türkiyəli əsgərlərin sayı 9-a çatıb.

Bu barədə Türkiyənin Milli Müdafiə Nazirliyi "X" sosial şəbəkə hesabında məlumat yayıb. Məlumatda bildirilib ki, həkimlərin səylərinə baxmayaraq, daha bir yaralı hərbçi dünyasını dəyişib.

Qeyd edək ki, yanvarın 12-də “Pençe-Kilit” əməliyyatı bölgəsində baza ərazisinə soxulmağa cəhd edən terrorçularla qarşıdurmada Türkiyə ordusunun 8 hərbi qulluqçusu şəhid olmuş, daha 4 əsgər isə yaralanmışdı. Məlumata görə, ümumilikdə bölgədə 23 terrorçu zərərsizləşdirilib.