Hitler buraya qaçmışdı ki... | Bu ölkədə liderin gizli bunkeri tapıldı

"Nasist Almaniyasının rəhbəri Adolf Hitlerin 1945-ci ildə ölümünün səhnələşdirilməsinə dair təkzibedilməz sübutlar var".

Bu barədə ABŞ Mərkəzi Kəşfiyyat İdarəsinin 21 illik təcrübəyə malik keçmiş agenti Bob Bayer bəyan edib.

72 yaşlı keçmiş agentin sözlərinə görə, nasist diktator, əslində, Argentinaya qaçıb, orada onun ardıcılları Üçüncü Reyxi növbəti mübarizəyə hazırlamağa çalışıblar.

O iddia edib ki, yaxın zamanda Argentinadan Hitlerlə Cənubi Amerika hökuməti arasındakı sıx əlaqələri isbatlayan məxfi sənədlər əldə edə bilər. Keçmiş MKİ agenti həmçinin Argentina hökumətinin Misyones əyalətində gizli nasist sığınacağının tikilməsində mümkün iştirakına işarə edən sənədlərə diqqət çəkib. Su və elektrik təchizatı ilə təmin edilmiş bu sirli kompleks 2015-ci ildə arxeoloqlar tərəfindən ucqar cəngəlliklərdə aşkar edilib.

Bundan əlavə, keçmiş agent hesab edir ki, 1950-ci illərdə Argentina Prezidenti Xuan Peron uzaq bir adada alman nasist alimin rəhbərlik etdiyi gizli nüvə sintezi laboratoriyasının təşkilinə kömək edib.