Holokost qurbanlarının anım günüdür

Yanvarın 27-si dünyada Holokost Qurbanlarının Anım Günü qeyd olunur. Holokostda milyonlarla yəhudi öldürülüb, işgəncələrə məruz qalıb.

Yunan dilində atəşlə qurban mənasını verən bu faciədə 6 milyon yəhudi qətl edilib ki, onlardan 1 milyon 500 mini uşaq olub.

Nasistlər və onların tərəfdaşlarının 1933-1945-ci illərdə yəhudilərə qarşı sistemli şəkildə həyata keçirdiyi təqib və qətllərdən ibarət rejimin əsasını yəhudilərə qarşı nifrət təşkil edib.

Faktlar göstərir ki, alman nasist ideologiyasında əli olan ölkələrdən biri də Fransa olub.

Həmin dövrdə alman faşizminə xidmət edən əslən erməni olan Njde Qaregini xatırlamaq tam yerinə düşər. Ermənistan Holokost hadisələrində general Njdenin yüzlərlə yəhudinin öldürülməsinə səbəb olduğunu bilir və bütün bunları bilə-bilə faşizmi qəhrəmanlıq kimi təbliğ edərək İrəvanın mərkəzində Njde Qareginə abidə də ucaldılıb.

Xatırladaq ki, BMT Baş Assambleyası tərəfindən 2005-ci il noyabrın 1-də qəbul olunan müvafiq qətnaməyə əsasən, hər il yanvarın 27-si Beynəlxalq Holokost Qurbanlarının Anım Günü kimi qeyd edilir.