İflici müalicə edə biləcək yeni cihaz | Hərəkətliliyi bərpa etməyin yolu tapıldı

Lozanna Federal Politexnik Məktəbinin İsveçrə alimləri onurğa beyninin zədələnməsi səbəbindən iflic olan insanların hərəkətliliyini bərpa etməyin yolunu tapıblar.

Komanda yeni üsulu onurğa beyni zədəsi olan iki xəstə üzərində sınaqdan keçirib.

Təcrübədə iştirak edənlərdən biri xizək sürərkən qəza keçirən və 2006-cı ildən bəri əlil arabasında olan şəxsdir. Terapiya ona qısa məsafələri gəzməyə imkan verib və ümumi hərəkətliliyini artırıb.

Kəşf müəlliflərinin fikrincə, hipotalamusun stimullaşdırılması sinir yoluna müsbət təsir göstərir.

Elm adamları beynin xəritəsini tərtib etmək və onun hissələrinin rollarını təyin etmək üçün layihə zamanı lateral hipotalamusla motor funksiyası arasında əlaqə aşkar ediblər.

Mütəxəssislər əvvəlcə heyvanlar, daha sonra isə insanlar üzərində kliniki sınaqlar keçiriblər.

Tədqiqatçılar əlavə ediblər ki, hipotalamusun stimullaşdırılması dərhal təsir göstərdiyinə görə iflic olan xəstələrin bədənlərinin alt hissəsində itirilmiş hisslər dərhal bərpa edilir.