İğtişaşlar 3 gündür davam edir | İrlandiya

23 oktyabr 2025 270 baxış

İrlandiyanın paytaxtı Dublin şəhəri kütləvi iğtişaşlar və polis döyüşləri ilə çalxalanır. Baku TV-nin məlumatına görə, ölkədə immiqrantlara qarşı başlayan etiraz aksiyaları artıq üç gündür ki, səngimək bilmir. Hadisələr nəticəsində şəhər infrastrukturuna ciddi ziyan dəyib və hüquq-mühafizə orqanları gücləndirilmiş iş rejiminə keçib.

İğtişaşların başlamasına səbəb irlandiyalı gənc qızın afrikalı mühacir tərəfindən zorlanması barədə yayılan xəbərlər olub. Dublində qaçqın sığınacağının qarşısına toplaşan 2000-ə yaxın etirazçı polis qüvvələrinə daş və pirotexniki vasitələrlə hücum edib. Nümayişçilər polis avtomobillərini yandırıb və hətta polis helikopterini lazerlə nişan alaraq işinə mane olmağa çalışıblar. Polis kütləni dağıtmaq üçün su şırnaqlarından istifadə etməli olub. Rəsmi qurumlar hadisələri "kütləvi xuliqanlıq" adlandırıb və iştirakçıların sərt şəkildə cəzalandırılacağını bəyan edib.

#İrlandiya