Dünya
Pleyeri seçin:
İlk insanın adı nə idi? - Bir-birilərini belə çağırırdılar, amma...
İnsanlar hələ yüzminlərlə il öncədən bir-birlərini adla çağırmağa başlayıblar. Lakin biz bu qədim adların necə səsləndiyini heç vaxt bilməyəcəyik, çünki o vaxtlar yazı yox idi.
Şəxsi adların ilk qeydləri yalnız təxminən 5500 il əvvəl, Mesopotamiyadakı şumerlərin mixi yazını icad etdikləri zaman ortaya çıxıb.
Beləliklə, bəşər tarixində indiyə qədər aşkarlanmış ilk ad eramızdan əvvəl 3100-cü ilə aid olan gil lövhələrindən birində yazılmışdı. Alimlər ən qədim adı cəmi 8 santimetr olan kiçik gil lövhənin üzərində aşkarlayıblar.
Lövhənin sol küncündə mixi işarələrlə Ku-şim yazılıb. Elə bəşər tarixində bilinən ilk adın da Ku-şim olduğu güman edilir.
Kopyalandı
Seçilmişlər
